🦅🦅🦅🦅🦅
မလိုက်ရဲရင်တော့
အသိုက်ထဲမှာပဲ ကျန်ခဲ့လေ။
တစ်နေ့နီးမှာပေါ့
ရှေ့ခရီးမျှော် မာန်တင်းပါကွယ့်
( ငှက်ဆိုတာကတော့ … ) ပျံရင်းသေ။
ကဆုန်စိုင်းသလိုပေါ့
မုန်တိုင်းက ရှေ့မှာ မွှေ
တောမီးတွေက ရှေ့မှာ ဝိုင်း။
ခြင်္သေ့က မြက်မစား
ကျားက ကြွက်မချောင်း
ဖွတ်တွေက မိကျောင်းလို မနေ
အိုးဝေ … အိုးဝေ … တွန်သံနှောလေတဲ့
စိမ်းမြညို ဟောဟိုတောဆီသို့
အမောခံ ဇောမာန်တင်းပါလို့
ပျံရင်းသေ ခရီးဆက်မယ် … တဲ့
( အဲဒါ … )
ငှက်တို့သမိုင်း ။ ။
မောင်စိန်ဝင်း (ပုတီးကုန်း)
No comments:
Post a Comment